Lufta Ukrainë- Rusi/ Trump: Putini ëndërronte të merrte kontrollin e të gjithë Ukrainës, por për shkakun tim nuk do ta bëjë!

SHBA- Presidenti i SHBA-ve Donald Trump tha të martën se Vladimir Putin dëshiron paqe në Ukrainë, vetëm 24 orë. Trump gjithashtu shprehu dyshime rreth qëllimeve të vërteta të homologut të tij rus.

"Mendoj se po", tha Trump kur u pyet nëse mendonte se Putin me të vërtetë dëshiron që të arrihet një marrëveshje paqeje, gjatë një interviste që dha për rrjetin televiziv ABC News dje, ditën kur mbushi njëqind ditë në pushtet .

"Mendoj se ëndrra e tij ishte të merrte kontrollin e të gjithë vendit, por për shkak meje, ai nuk do ta bëjë", shtoi ai.

Kur u pyet nëse i beson banorit të Kremlinit, Trump u përgjigj: "Nuk u besoj shumë njerëzve"

Pikërisht të shtunën, republikani shprehu dyshimet e tij për atë që bëri Putin, pas sulmeve me raketa ruse në qytetet ukrainase me vdekje civile.

"Nuk kishte asnjë arsye që Putini të lëshonte raketa në zona civile, në qytete dhe fshatra, ditët e fundit. Kjo më bën të mendoj se ndoshta ai nuk ka ndërmend ta ndalë luftën, ai po pretendon se e do atë nga unë dhe se duhet të trajtohet ndryshe", tha Trump nëpërmjet Truth Social.

Ai përsëriti në intervistën që dha dje se nuk ishte aspak i lumtur që Putini po lëshonte raketa në disa qytete. Manjati, i cili siguroi gjatë fushatës zgjedhore se do ta zgjidhte këtë konflikt "brenda 24 orësh", kërkon që Kievi dhe Moska të nënshkruajnë një marrëveshje armëpushimi dhe më pas një marrëveshje paqeje, më shumë se tre vjet pas pushtimit të ushtrisë ruse dhe shpërthimit të luftës me qindra mijëra të vdekur, si ushtarakë ashtu edhe civilë.

Pasi u rikthye në pushtet në janar, ai filloi një proces spektakolar afrimi me Rusinë dhe Presidentin Putin, megjithatë, pa siguruar lëshime të mëdha nga Kremlini.

Homologu rus i Putini njoftoi të hënën një armëpushim të njëanshëm për tre ditë, nga 8 deri më 10 maj, për të përkuar me festimet për 80-vjetorin e fitores ndaj Gjermanisë naziste. Duke reaguar, Presidenti ukrainas Volodymyr Zelenskyy e kritikoi ashpër atë që e perceptoi si një përpjekje për manipulim.