Një ngjarje e rëndë u bë publike ditën e djeshme nga modelja, Klea Prenga e cila me pamje dhe emër denoncoi motrat Berisha, Antonela dhe Mariela Berishën se kishin paguar një person për ta dhunuar atë në mes të lokalit në Tiranë.
Përpos, pamjeve të rënda ku shihej me të çara në fytyrë dhe e gjakosur, 24-vjeçarja nxori dhe mesazhin që i kishte ardhur në telefon ku i thuhej qartë se nga kush e kishte “dhuratën”.
Në SMS-në e postuar nga vetë Prenga lexohet: Dhuratën mbrëmë e ke nga Mariela, jo nga Antonela Berisha. Ta kesh si mësim, të mos sh***** lart e poshtë dhe të futesh në familje. Ik denonco njeriun e duhur.
Menjëherë në rrjet filluan aludimet se “sebep” i kësaj ngjarje është bërë bashkëshorti i Marielës, Mir Pepa, një marrëdhënie mes këtij të fundit dhe të dhunuarës.
Por, si duket nuk qenka ky personi i cili është bërë “mollë sherri” mes vajzave, pasi përmes një postimi të bërë së fundmi vetë Klea Prenga pretendon se ajo nuk ka ndërhyrë mes një familje dhe se personi që e ka sulmuar “nuk ka burrë”.
Ndër të tjera, modelja thekson se e gjithë kjo situatë i kujton se femrat me vetëbesim të ulët besojnë se gjithçka mund të merret me forcë dhe se nuk arrijnë të kuptojnë se fuqia e vërtetë vjen nga qëndrimi me dinjitet, nga zgjidhja për të mos u ulur në të njëjtin nivel me ata që përhapin negativitet.
“Akuza të rënda dhe përmendje e emrave pa e ditur situatën janë të tepërta dhe të papërgjegjshme. Kur dikush më sulmoi pa të drejtë, duke sjellë akuza të pabaza dhe duke ndërhyrë në jetën time, ndjeva që është e nevojshme të mbrohem. Personi që më sulmoi nuk ka burrë dhe as nuk i ka ndërhyrë dikush në familje. Megjithatë, kjo situatë më kujton se femrat me vetëbesim të ulët shpesh besojnë se gjithçka mund të merret me forcë. Ata nuk arrijnë të kuptojnë se fuqia e vërtetë vjen nga qëndrimi me dinjitet, nga zgjidhja për të mos u ulur në të njëjtin nivel me ata që përhapin negativitet.
Është e rëndësishme të kuptojmë se sjellja e tyre reflektim më shumë për to sesa për ne. Njerëzit që sulmojnë të tjerët shpesh e bëjnë këtë për të mbuluar pasiguritë e tyre, për të shmangur reflektimin mbi problemet e veta. Ata që mendojnë se gjithçka merret me forcë, zakonisht janë ata që nuk kanë njohur asnjëherë fuqinë e komunikimit të hapur, të ndershëm dhe të respektueshëm,. Në vend që të lejoj këto sulme të ndikojnë tek unë, unë zgjedh të qëndroj e fortë, e qetë dhe e vetëdijshme për vlerën time. Nuk ka nevojë të përfshihem në lojërat e tyre të vogla,. Unë do të vazhdoj përpara me kokën lart, duke u përqëndruar tek vetja dhe njerëzit që më mbështesin, dhe duke mos lejuar që negativiteti i të tjerëve të më rrëzojë”, shkruan ajo në postimin e saj, të cilin ia ka bashkangjitur një foto ku shihet me plagët e qepura në fytyrë.
Motrat Berisha, Antonela dhe Mariela Berisha u shpallën në kërkim këtë të premte nga Policia e Tiranës. Pavarësisht se ngjarja e rëndë ka ndodhur ditë më parë, pikërisht të martën, 6 gusht, Policia e Shtetit kishte qëndruar “gojë kyçur”.
U desh denoncimi publik i Klea Prengës që autoritetet të vendoseshin në lëvizje dhe të shpallnin në kërkim motrat Berisha për t’i shkuar deri në fund zbardhjes së kësaj ngjarje të rëndë.
“Specialistët për Hetimin e Krimeve të Komisariatit të Policisë Nr. 1 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë dhe po punojnë për lokalizimin e shtetaseve A. B., 28 vjeçe, dhe M. B., 28 vjeçe, të dyja banuese në Tiranë, për veprën penale "Plagosja e rëndë me dashje" kryer në bashkëpunim, parashikuar nga neni 88/25 i Kodit Penal.
Këty dy shtetase, në bashkëpunim me njëra-tjetrën, në ambientet e një lokali në Tiranë, dyshohet se kanë goditur me shishe qelqi në fytyrë shtetasen K. P., 24 vjeçe. Materialet i kaluan Prokurorisë”, njoftoi Policia mëngjesin e kësaj të premte, 9 gusht.
