Protesta e opozitës/ Procedohen penalisht shtatë persona që hodhën molotovë dhe u përplasën me efektivët, mes tyre edhe një deputet

 

TIRANË- Policia e Tiranës ka proceduar penalisht shtatë persona, pas përfundimit të protestës së Partisë Demokratike mbrëmjen e kaluar në Bulevardin “Dëshmorët e Kombit”. Blutë bëjnë me dije, se gjatë tubimit këta persona kanë hedhur lëndë djegëse (molotov), lëndë piroteknike, si dhe kanë kundërshtuar e goditur punonjësit e Policisë me sende të forta, ku si pasojë e përplasjes, janë lënduar tre efektivë policie.

Si pasojë, policia ka proceduar penalisht shtatë persona, nga të cilët gjashtë akuzohen për veprat penale “Kundërshtimi i punonjësit të rendit publik”, “Goditja për shkak të detyrës” dhe “Prishja e rendit dhe qetësisë publike”, ndërsa një deputet, për veprën penale “Organizimi dhe pjesëmarrja në grumbullime dhe manifestime të paligjshme”. Gjithashtu, gjatë ndërhyrjes janë sekuestruar 1 molotov, lëndë piroteknike dhe sende të forta të përdorura gjatë protestës, sipas Policisë së Tiranës.

Policia e Tiranës, menjëherë pas përfundimit të tubimit të organizuar nga subjekti politik Partia Demokratike mbrëmjen e datës 08.05.2026, në Bulevardin “Dëshmorët e Kombit”, ku gjatë tubimit disa persona hodhën lëndë djegëse (molotov), lëndë piroteknike, kundërshtuan dhe goditën punonjësit e Policisë me sende të forta dhe për pasojë u lënduan 3 punonjës policie, procedoi penalisht 7 shtetas.

Nga këta: 6 për veprat penale “Kundërshtimi i punonjësit të rendit publik”, “Goditja për shkak të detyrës” dhe “Prishja e rendit dhe qetësisë publike”, dhe një shtetas (deputet) për veprën penale “Organizimi dhe pjesëmarrja në grumbullime dhe manifestime të paligjshme”. Gjatë veprimeve, policia sekuestroi 1 molotov, lëndë piroteknike dhe sende të forta.

policia e tiranës protesta e opozites