“Unë do të jem në Primaret e Gjirokastrës”, ish-deputeti Ristani, gazetarit: Nuk do të ketë deformim rezultati…

 

Ish-deputeti i PD Arben Ristani thotë se procesi i Primareve është një ushtrim demokratik që e zbaton vetëm Partia Demokratike, por sipas tij, ajo duhet të përsoset duke u vënë në praktikë.

I ftuar në emisionin “Open” në News24, Ristani ka hedhur poshtë zërat për abuzime me votat dhe deformimet e rezultatit të Primareve, duke theksuar se askush nuk mund ta tjetërsojë rezultatin. Por gazetari Arbër Hitaj ka hedhur dyshime për abuzime sidomos në qarqe të vogla si Gjirokastra, duke iu referuar dhe situatës në të shkuarën.

Ish-deputeti Arben Ristani zbuloi se ai do të marrë pjesë në Primaret e Gjirokastrës, ndërsa theksoi se garë e fortë do të zhvillohet dhe në Tiranë.

Arben Ristani: Kemi tentuar ta përqafojmë, po këtë herë është rregulluar në statutin e PD. është ushtrim demokratik që duhet të përsoset duke u vënë në praktikë.

Duhet të arrijmë si SHBA, që të marrin pjesë dhe votuesit e tjerë, të jetë i hapur, jo vetëm për anëtarët e partisë

Asnjë parti tjetër nuk ka forma të ushtrimeve demokratike si ne, na karakterizon. tek kundërshtarët tanë flitet për hajdutë,  shuma të mëdha vjedhje, te ne flitet a janë primaret demokratike apo jo.

Unë jam regjistruar për të marrë pjesë në garën për Primare në Gjirokastër.

Në Tiranë ka shumë personalitete që garojnë, nuk dihet kush fiton.

Arbër Hitaj: Ka qarqe që mund të abuzohet, si Gjirokastra, pse nuk mund të jenë drejtuesit e qarqeve në garë?

Ka pasur akuza nga brenda për manipulim, shtim të votave, e ka pranuar Albana Vokshi që ka ndryshuar rezultatin. Kam frikë se do të ndodhë dhe këtë herë.