Ndahet nga jeta piktori Shyqyri Sako

TIRANË- Piktori i njohur, Shyqyri Sako është ndarë nga jeta ditën e sotme në moshën 89-vjeçare. Lajmi është bërë i ditur nga Arkivi Qendror Shteteror i Filmit, përmes një postimi në rrjetin social Facebook. Përmes këtij postimi ata thanë se Sako ishte një piktor me 50 vite krijimtari, ndërsa i shprehin ngushëllimet familjes, të afërmve dhe miqve.

Me hidhërim morëm lajmin e largimit nga jeta të mikut të Arkivit, piktorit të filmit Shyqyri Sako.
Piktor me 50 vite krijimtari. Studioi 3 vjet në Moskë në Institutin e Artit VGIG për piktor filmi. Pa mundur t’i përfundojë studimet. Më tej u diplomua në Tiranë dhe në vitin 1963 filloi punë në Kinostudio, ku mori pjesë si piktor i filmit në realizimin e filmit të tij të parë “Detyrë e posaçme” dhe pastaj filmat e tjerë gjer në filmin e fundit Plumba prej plasteline në vitin 1997, kur doli në pension.

Sako u nderua me medalion në festivalin e 4-rt të filmit shqiptar për punën e tij me dekoret e rekuizitat në filmin Mësonjëtorja. Në video: Ekspozita e piktorit Shyqyri Sako viti 1989 dhe dekorimi ne Kinostudio me rastin e 70 vjetorit te pavarësisë, 1982. Artisti dhe piktori Shyqyri Sako ka krijuar një pjesë të madhe të koleksonit të afishave të filmit, pjesë e trashëgimisë së @arkiviqendrorshteterorifilmit

Ngushëllime familjes Sako dhe miqve.
I përjetshëm kujtimi i tij

Shyqyri Sako lindi në 5 mars të vitit 1937 në Kolonjë të Korçës, është piktor shqiptar. Me pikturën u lidh në moshën e lojës, kur ishte 7 vjeç dhe vizatoi "shgarravinat" e para siç thotë ai. Në shtëpinë e Pionierit në Korçë mësimet e para i mori nga Vangjush Mio e Guri Madhi, ndërsa në Lice nga Kaceli e Buza.

Këtij të fundit ia dedikon punën në akuarel. Studioi 3 vjet në Moskë në Institutin e Artit VGIG për piktor filmi. Pa mundur t'i përfundojë studimet. Më tej u diplomua në Tiranë dhe në vitin 1963 filloi punë në Kinostudio, ku mori pjesë si piktor i filmit në realizimin e filmit të tij të parë "Detyrë e posaçme" dhe pastaj filmat e tjerë gjer në filmin e fundit Plumba prej plasteline në vitin 1997, kur doli në pension./