Céline Dion rikthehet në skenë pas 6 vitesh larg angazhimeve muzikore/ Shfaqja e parë në Paris me 30 mijë spektatorë emocionon këngëtaren

PARIS- Céline Dion është rikthyer sërish në skenë në Paris mbrëmjen e së shtunës me datë 12 shtator, pas rreth 6 vitesh si shkak i një tërheqjeje nga aktiviteti muzikor si pasojë e problemeve shëndetësore. Këngëtarja hapi shfaqjen me këngën “On ne change pas” ne Plenitude Arena, e emocionuar gjatë performancës rreth 30 mijë spektatorë nisën të brohorisnin në mënyrë ritmike emrin e saj.

Koncerti në Paris shënon nisjen e një serie prej 26 shfaqjesh që Dion pritet të zhvillojë në “Plenitude Arena”, dhe do të zgjasë nga 12 shtatori 2026 deri më 29 maj 2027. Numri i koncerteve u rrit nga 10 në 26 për shkak të kërkesës së lartë për bileta.

Sipas raportimeve, rreth 1.17 milionë bileta u shitën brenda pak orësh nga dalja në shitje. Gjatë koncerteve, Dion pritet të interpretojë disa nga hitet e saj më të njohura, përfshirë baladën “My Heart Will Go On”, “It’s All Coming Back to Me Now”, “The Power of Love” e hite të tjera të krijuara ndër vite.

Rikthimi në skenë shënon një moment të rëndësishëm për këngëtaren 58-vjeçare, e cila prej vitesh është përballur me sëmundjen e SPS (Stiff Person Syndrome), ndërsa vazhdon karrierën e saj muzikore përballë një prej sfidave më të mëdha shëndetësore të jetës së saj.