VIDEO/ Kombinim spektakolar mes sportit dhe astronomisë! Kampioni olimpik sinkronizoi kërcimin e tij me eklipsin diellor: Lëvizja e jetës sime

Një kombinim spektakolar mes sportit dhe astronomisë ka tërhequr vëmendjen në rrjetet sociale, pasi skateboarderi spanjoll Danny Leon realizoi një kërcim mbresëlënës pikërisht në sfondin e eklipsit diellor.

Spanish Olympic skateboarder Danny Leon performed a jump as a solar eclipse occurred, timing the trick with the moon passing in front of the sun. Leon shared the epic stunt on his social media accounts and called it ‘the move of his life.’ pic.twitter.com/HpWrUqzs1d

— Al Jazeera English (@AJEnglish) August 13, 2026

Atleti arriti të sinkronizojë lëvizjen e skateboardit me momentin kur Hëna kaloi përpara Diellit, duke krijuar një pamje të rrallë dhe shumë të veçantë. Koordinimi mes kërcimit dhe fenomenit qiellor bëri që truku të dukej sikur Leon “fluturonte” përpara Diellit të eklipsuar.

Leon, i njohur për truket e tij kreative dhe performancat spektakolare, e publikoi videon dhe imazhet në rrjetet sociale, duke e përshkruar momentin si “lëvizja e jetës sime”.

Për realizimin e këtij truku nevojitej jo vetëm aftësi dhe kontroll i skateboardit, por edhe një përllogaritje tepër e saktë e momentit të kërcimit, në mënyrë që pozicioni i tij të përkonte me kalimin e Hënës përpara Diellit.

Rezultati ishte një pamje e pazakontë, ku një akrobaci sportive u shndërrua në një spektakël vizual të kombinuar me një prej fenomeneve më të rralla astronomike.

Danny Leon ka publikuar edhe më herët truke kreative, duke përdorur vende, objekte dhe momente të veçanta për të krijuar performanca origjinale, por sinkronizimi me eklipsin diellor është ndër realizimet e tij më të veçanta.