Vala e të nxehtit “mbërthen” Francën, rreth 68,000 familje pa energji elektrike

FRANCA- I nxehti ekstrem ka shkaktuar kufizime në përdorimin e enrgjisaë elektrikje në Francë, rreth 68,000 familje në Brettany, mbetën pa energji për shkak të një defekti në transformatorin që lidhet me nxehtësinë.

"Shkaku i incidentit është aksidental dhe lidhet me temperaturat e larta të vëzhguara në periudhën aktuale. Ky incident nuk ka shkaktuar asnjë të lënduar", thanë autoritetet franceze në një deklaratë.

Sipas mediave të huaja, mësohet se Finistère është ndër 58 rajonet administrative franceze që u vendosën në alarm të kuq për valët e të nxehtit, pra në nivelin më të lartë të alarmit. Kjo është ndërprerja e parë e energjisë elektrike e kësaj madhësie e raportuar që nga fillimi i valës së të nxehtit. Kur defekti ndodhi pranë Camber të martën, dita më e nxehtë e regjistruar ndonjëherë në Francë që nga fillimi i regjistrimeve në vitin 1947, deri në 106,000 klientë mbetën pa energji elektrike. Megjithatë, që atëherë, operacionet për të siguruar dhe rivendosur energjinë elektrike kanë vazhduar, sipas autoriteteve.

Ekipet e menaxhimit nga rrjeti RTE dhe ofruesi i energjisë elektrike Enedis janë mobilizuar gjatë gjithë natës dhe po punojnë për një rivendosje graduale dhe të shpejtë, thanë gjithashtu autoritetet e prefekturës, të cilat kanë ngritur gjithashtu një njësi për menaxhimin e krizave në nivel prefekture. Të gjitha familjet e prekura nga incidenti nuk pritet të rilidhen deri në fund të ditës, sipas autoriteteve, të cilat thanë se furnizimi me energji elektrike në azilet e pleqve do të sigurohet nga gjeneratorët.

Franca është në alarm të kuq për një valë të nxehti për të katërtën ditë radhazi sot. Indeksi kombëtar i temperaturës, temperatura mesatare nga stacione të ndryshme referimi, arriti në 29.8 °C dje, të martën, sipas të dhënave të përkohshme, duke tejkaluar rekordet e mëparshme të 25 korrikut 2019 dhe 5 gushtit 2003 (29.4 °C).