Takimi ‘sqarues’ që përfundoi me tragjedi/ Erion Boba dhe 14-vjeçari s’kishin lidhje me sherrin! Konflikti nisi në TikTok nga shoku i viktimës dhe vëllai i autorit

 

DURRËS- Detaje të reja janë zbardhur nga sherri mes të miturve në ish-kënetën e Durrësit, ku i vrarë mbeti Erion Boba, i cili filimisht u plagos me thikë në zemër dhe pas disa ditësh në spital ndërroi jetë. Bëhet me dije se viktima dhe 14-vjeçari nuk kishin lidhje me sherrin, por Erioni po shoqëronte me makinë dy shokët e tij.

Ndërsa autori shoqërohej me makinë nga shoku tij i mitur dhe persona të tjerë. Në momentin që të dy grupet kanë dalë mjetet kanë nisur të qëllojnë njëri-tjetrin me grushte, ristela, dërrasa dhe me bishtat e çadrave. Nga hetimet e deritanishme, ende nuk është bërë me dije se cili prej personave kishte sendet e forta.

Konkretisht konflikti ka nisur në rrjetet sociale, me sharje dhe ofendime mes shokut të Erion Bobës dhe vëllait të autorit. Konkretisht viktima dhe autori nuk kanë qenë në konflikt me njëri-tjetrin, por po shoqëronin personat e tjerë. Pas ngjarjes 14-vjeçari bashkë me dy shokët që e shoqëronin, u larguan menjëherë duke marrë me vete edhe armën e krimit nga vendi i ngjarjes, e cila u gjet po në makinën që grupi erdhi në fillim.

Si nisi sherri mes Erjon Bobës dhe 14-vjeçarit në Durrës?

15-vjeçari Erjon Boba u plagos me thikë në pjesën e gjoksit, pranë zemrës, rreth orës 14:00 të 25 nëntorit, vetëm 20 minuta në këmbë nga shkolla “Dom Nikollë Kaçorri”, ku mësonin të dy nxënësit e përfshirë në konflikt. Sherri mes Erjonit dhe 14-vjeçar me inicialet M.K nisi nga një koment në rrjetet sociale dhe ofendimeve të vazhdueshme në shkollë, të cilat më pas degraduan në plagosje me thikë.

Dyshohet se 15-vjeçari Erjon Boba e kishte marrë në telefon autorin 14-vjeçar për të kërkuar sqarime, pasi kishte dëgjuar se ai e shante vazhdimisht në shkollë. Ata u dakorduan të takoheshin për tu sqaruar, ku të pranishëm kanë qenë dhe shokë të tjerë të dy palëve, të cilët janë marrë në pyetja nga policia për ngjarjen e rëndë.

Por takimi i tyre përfundoi me një sherr, ku 14-vjeçari me inicialet M.K e goditi Erjon Bobën katër herë me thikë, duke i shkaktuar plagë të rënda edhe në zemër. Pas plagosjes, Boba u dërgua urgjent në spitalin "Nënë Tereza" dhe iu nënshtrua një ndërhyrjeje kirurgjikale, por nuk arriti t’i mbijetojë plagëve, ku humbi jetën pas 9 ditësh në luftë me jetën.