Policia ka finalizuar operacionin e koduar “Mukja” në Krujë, duke goditur një rast të dyshuar të kultivimit të bimëve narkotike.
Si rezultat i kontrolleve të zhvilluara në terren, uniformat blu kanë asgjësuar 42 bimë të dyshuara cannabis sativa, ndërsa kanë sekuestruar edhe 600 gramë lëndë të dyshuar narkotike.
Në kuadër të këtij operacioni është arrestuar në flagrancë N. Z., 31 vjeç, banues në fshatin Mukaj, ndërsa është shpallur në kërkim shtetasi J. M., 43 vjeç, i dyshuar si bashkëpunëtor i tij.
Sipas hetimeve të kryera nga specialistët e Komisariatit të Policisë Krujë, dy personat dyshohet se kishin kultivuar bimët narkotike në një zonë pyjore të fshatit Mukaj.
Gjatë kontrollit në vendin ku ishin kultivuar bimët, policia gjeti dhe sekuestroi edhe sasinë prej 600 gramësh lëndë të dyshuar cannabis sativa.
Autoritetet vijojnë punën për kapjen e 43-vjeçarit të shpallur në kërkim dhe për zbardhjen e plotë të rrethanave të kësaj veprimtarie kriminale.
Materialet procedurale i janë referuar Prokurorisë për veprat penale “Prodhimi dhe shitja e narkotikëve” dhe “Kultivimi i bimëve narkotike”.
Krujë/Finalizohet operacioni policor i koduar “Mukja”, për goditjen e kultivimit të bimëve narkotike.
Asgjësohen 42 bimë të dyshuara narkotike cannabis sativa dhe sekuestrohen 600 gramë lëndë e dyshuar cannabis sativa.
Vihet në pranga një 31-vjeçar, shpallet në kërkim bashkëpunëtori i tij.
Në vijim të punës intensive për parandalimin, evidentimin dhe goditjen e veprimtarive kriminale në fushën e narkotikëve, sherbimet e Komisariatit të Policisë Krujë, bazuar në informacionet e siguruara në rrugë operative dhe si rezultat i kontrolleve të organizuara në terren, finalizuan operacionin policor të koduar “Mukja”.
Në kuadër të operacionit u bë arrestimi në flagrancë i shtetasit N. Z., 31 vjeç si dhe u shpall në kërkim shtetasi J. M., 43 vjeç, të dy banues në fshatin Mukaj.
Nga veprimet hetimore dyshohet se këta dy shtetas kishin kultivuar, në një zonë pyjore të fshatit Mukaj, 42 bimë të dyshuara narkotike cannabis sativa.
Gjithashtu, gjatë kontrollit në vendin ku kultivoheshin bimët narkotike, shërbimet e Policisë gjetën dhe sekuestruan 600 gramë lëndë të dyshuar narkotike cannabis sativa.
Vijon puna për kapjen e shtetasit të shpallur në kërkim, si dhe për dokumentimin e plotë ligjor të kësaj veprimtarie kriminale.
Materialet procedurale iu referuan Prokurorisë, për veprat penale “Prodhimi dhe shitja e narkotikëve” dhe “Kultivimi i bimëve narkotike”.
