TIRANË- Gjyqi për atenatin ndaj prokurorit Arjan Ndoja ka vijuar ditën e sotme me dëshminë e Haxhi Muratit. Mësohet se në seancë, Murati ka deklaruar se babai i Ramazan Rrajës, Asllan Rraja i ka shkuar në banesë, për të pajtuar gjakrat me familjarët e Andi Malokut, i cili mbeti i vrarë në atentat.
Haxhi Murati thekson se e ka takuar 2 herë babain e Andi Malokut në Shijak dhe i ka përcjellë fjalët që i ka thënë Asllan Rraja, që djali i tij nuk është i përfshirë në këtë ngjarje. Ndërkohë që babai i viktimës, i kishte kërkuar vetëm që të thonin realitetin.
Pjesë nga dëshmia:
Haxhi Murati: Në 2019 kam jetuar në Krujë. Kam një biznes. Kam qenë edhe kryeplak disa muaj. Asllan Rrajën e njoh. Kur ka ndodhur ngjarja, më ka ardhur tek shtëpia. Meqë unë merrem me pajtime gjaqesh, më kërkoi të shkoja në Shijak, të takonim babain e viktimës, që të mos vazhdohej pushka. Mos vazhdohej pushka derisa të sqarohej ngjarja. Isha me dy vetë të tjerë. Shkuam tek shtëpia e atij djalit, viktimës. Kemi takuar babain e atij dhe më pas kemi lënë që takimi të bëhej në Shijak.
Unë isha në dy takime, por pastaj erdhi ai virusi dhe nuk bëmë më takime. Isha bashkë me dy shokë. Në takimet kanë qenë babai i Andi Malokut dhe ca të tjerë. Ne i kemi përcjellë fjalët e Asllan Rrajës, që nuk është djali im në ngjarje. Duroni sa të zbardhet ngjarja. Babai i viktimës na ka thënë fjalë shumë të mira, na ka thënë: Vetëm na tregoni realitetin. Më vonë e kam takuar Asllan Rrajën dhe i kam thënë që ti nuk zbardhe asnjë gjë. Emrin e djalit të Asllanit nuk e mbaj mend, por ka pasur një punë në Fushë-Krujë kështu për dhëmbët. Redian Rrajën nuk e njoh. Atë deputetin Rraja po, e njihja.
Fillimisht ne kemi takuar veç të atin e viktimës dhe të shoqen e tij në Tiranë. Takimin e dytë e bëmë në Shijak, me kërkesë të tij, pasi kishte vëllezërit dhe njerëzit e tij. Biseduam për ngjarjen. Nuk janë përmendur emra konkretë për autorët e mundshëm të ngjarjes, përveç emrit të djalit të Asllanit, që thoshin ka qenë në ngjarje. Ne kemi dashur të takonin edhe Aleksander Lahon (Rrumin), meqë ishte dëmtuar në ngjarje dhe ta pyesnim, mos zbardhnim gjë nga ngjarja. Do iknim me iniciativën tonë, por nuk u takuam. Tek Arjan Ndoja nuk kemi kërkuar ta takonim.
Plarent Dervishaj: The që djali i Asllan Rrajës (Redjan Rraja) nuk ishte arrestuar kur ju kërkoi juve të kontaktonit familjarët e Andi Malokut.
Haxhi Murati: Nuk e di nga e ka marrë informacionin Asllan Rraja. Ai më ka thënë, djali im nuk është fajtor. Më ka thënë, thuaji familjes, derisa ta zbardhim nëse ka faj apo jo djali im, të mos na vrasin. Unë kaq mund të bëja me kapacitetin që kisha. Ata na kanë pritur shumë mirë.
Plarent Dervishaj: Emra konkretë janë përmendur, që kanë lidhje me atentatin.
