DURRËS- Policia e Durrësit ka ndërmarrë një nismë të re për të shtuar kontrollet në akset kryesore të qytetit duke përdorur dronë, pika kontrolli dhe pajisje inteligjente me qëllim menaxhimin e trafikut dhe shmangien e aksidenteve.
Javën e fundit, janë arrestuar 17 shtetas, teksa janë vendosur 1.807 masa administrative për shkelje të Kodit Rrugor. Në fokus të së gjithës kanë qenë drejtuesit e automjeteve që jane nën efektin e alkoolit dhe parkimet dyshe të cilat i pengojnë automjeteve hapësirat për të qarkulluar.
Rreth 10shtetas janë arrestuar për drejtim të mjetit në gjendje të dehur, 442 masa janë vendosur për ndalim, qendrim apo pushim të gabuar të mjetit, 1.269 për shkeljen e normave të shpejtësisë, 9 për drejtimin e mjetit me celular në dorë, 35 persona janë arrestuar për mosvendosjen e rripit të sigurimit dhe 39 për parakalime të gabuara.
Gjithashtu, Policia Rrugore e Durrësit këshillon drejtuesit të respektojnë rregullat e qarkullimit rrugor për të shmangur aksidentet dhe për të qënë të sigurt.
Njoftimi i plotë i Policisë Rrugore
"Durrës/Monitorim intensiv, me pajisje inteligjente, me dron, janë ngritur pika kontrolli, në akset rrugore dhe në pikat hyrëse dhe dalëse, me objektiv parandalimin e aksidenteve rrugore dhe menaxhimin e trafikut. Gjatë javës që shkoj, për shkelje të normave të ndryshme të Kodit Rrugor, janë arrestuar 17 shtetas, janë vendosur 1807 masa administrative.
Fokus i monitorimit ka qenë ndëshkimi i drejtimit të automjetit nën efektin e alkoolit, si një ndër shkeljet më të rrezikshme dhe më shpesh burim aksidentesh me pasoja. Si dhe parkimet dyshe të cilat bëhen pengesë për trafikun në qytet. Konkretisht, për këtë shkelje, gjatë javës, janë arrestuar 10 shtetas.
Më tej, janë vendosur këto masa:
-442 për ndalim, pushim mjeti ose qëndrim të gabuar;
-35 për mosvendosje të rripit të sigurimit;
-9 për përdorim të celularit gjatë drejtimit të mjetit;
-13 për përdorim të pijeve alkoolike;
-39 paraklime të gabuara;
-1269 për shkelje të normave të shpejtësisë.
Policia Rrugore Durrës apelon sërish, për respektim rigoroz të rregullave të qarkullimit rrugor, si një kontribut publik për përmbushjen e parametrave të sigurisë rrugore, për mbrojtjen e jetës/shëndetit të përdoruesve të rrugës dhe për qarkullimin e lirë dhe pa pengesa në rrugë."
