BRUKSEL- Gazeta belge, GVA ka njoftuar se gjyqi kundër kriminelit shqiptar të drogës Franc Gergely në Bruksel është ndërprerë. Sipas GVA, gjyqi nuk është ndërprerë për shkak të avokatëve apo të një gabimiprocedural, por për shkak të pranisë pleshtave në sallë.
Në artikull shkruhet se një nga anëtarët e jurisë vuri re se një morr ishte ngjitur në krah dhe kryetarja e trupit gjykues vendosi ta pezullojë procesin për 24 orë, në mënyrë që të merren masa. Më pas, gjykata u rekomandoi të gjithë të përfshirëve që t’i lajnë rrobat në 60 gradë. GVA gjithashtu thekson se nuk është e qartë se çfarë masash do të mund të marrë tani drejtësia.
Në fund, Gazeta belge shkruan se zhvendosja e procesit në një sallë tjetër është e pamundur, pasi salla e gjykatës së jurisë në Pallatin e Drejtësisë në Bruksel, në sheshin Poelaert, nuk është e disponueshme, ashtu si edhe salla solemne e gjykatës së apelit në Bruksel.
Procesi i Gjykatës së Krimeve të Rënda kundër kriminelit shqiptar të drogës Franc Gergely (33 vjeç) në Bruksel është pezulluar. Jo sepse një avokat kërkoi përjashtimin e gjyqtares apo për shkak të ndonjë gabimi procedural, por për shkak të pranisë së… morrave të shtratit në sallë.
Procesi ka të bëjë me vrasjen brutale të Ardit Spahiut, e kryer në mes të ditës, në rrugë, në Bruksel më 27 nëntor 2021. Sipas prokurorisë federale, vrasja ishte një larje hesapesh mes dy klaneve mafioze, dhe shtatë persona po gjykohen në ndërtesën ‘Justitia’. Këto janë ish-ndërtesat e NATO-s në Evere.
Të hënën në mëngjes, një nga anëtarët e jurisë vuri re se një morr shtrati i ishte ngjitur në krah. Kur seanca rifilloi pas pushimit të drekës, kryetarja e trupit gjykues vendosi ta pezullojë procesin për 24 orë, në mënyrë që të merren masa.
“Kjo shkon shumë larg. Nuk dua të vë në rrezik anëtarët e jurisë, avokatët, të pandehurit apo këdo tjetër," tha gjykatësja Isabelle de Saedeleer, duke iu referuar problemeve të shumta me të cilat përballet vazhdimisht sistemi i drejtësisë.
Gjykata u rekomandoi të gjithë të përfshirëve që t’i lajnë rrobat në 60 gradë ose t’i vendosin në frigorifer. Nuk është e qartë se çfarë masash do të mund të marrë tani drejtësia. Lufta kundër morrave të shtratit është një proces që kërkon shumë punë.
Zhvendosja e procesit në një sallë tjetër rezulton gjithashtu e pamundur. Salla e gjykatës së jurisë në Pallatin e Drejtësisë në Bruksel, në sheshin Poelaert, nuk është e disponueshme, ashtu si edhe salla solemne e gjykatës së apelit në Bruksel.
Salla e gjykatës së jurisë në godinën gjyqësore në Nivelles është e mbyllur prej një viti, sepse ndërtesa është në gjendje të keqe. Ndërtesa ‘Justitia’ në Evere përdoret për shumë procese të tjera. Kështu, edhe procesi kundër baronit të drogës Flor Bressers duhej të zhvillohej aty, por ai proces është pezulluar pas kërkesave të reja për përjashtim të gjyqtarëve.
