Te cilat dosje u morën materiale nga hakërimi i e-mailit të SPAK? Bushkolaj: Njëra është e një ish-ministri të qeverisë, tjetra e një sipërmarrësi

 

Në emisionin Open në News 24, gazetari Elkier Bushkolaj foli për hakërimin të e-maileve në SPAK. Sipas tij, një punonjës i IT-së në SPAK ka sinjalizuar se ka pasur ndërhyrje në e-mailet e tre prokurorëve të Strukturës së Posaçme.

Bushkolaj ka theksuar se hakerimi ka përfshirë informacion nga tri dosje të rëndësishme, të cilat janë të lidhura me subjekte që po hetohen nga SPAK. Njëra nga dosjet lidhet me çështjen e inceneratorëve, ndërsa dy të tjerat kanë të bëjnë me tenderat. Këto informacione janë marrë nga hakerat dhe janë dërguar nëpërmjet WhatsApp-it te dy gazetarë, që i kanë pranuar ekstraktet nga këto dosje.

Sipas Bushkolaj, hetimet duhet të fokusohen tek identifikimi i porositësve të këtyre veprimeve të paligjshme dhe kush qëndron pas këtij akti. Ai theksoi se personat që kanë qenë subjekt i këtyre dosjeve përfshijnë një ish-ministër të qeverisë Rama, një sipërmarrës i njohur dhe një bashkëpunëtore të këtij biznesmeni.

Elkier Bushkolaj: Ka qenë një nga punonjësit e IT të SPAK ka sinjalizuar se është ndërhyrë në e-mailet e tre prokurorëve të Strukturës së Posaçme. Ka pasur tentativë që të ndërhyhet në e-maile. Personi i parë është një ish-ministër i qeverisë Rama dhe një figurë me peshë në qeveri. Personi i dytë është sipërmarrës tepër i njohur dhe i treti është bashkëpunëtore e një biznesmeni. Janë dy gazetarë që kanë marrë informacionin. Dy gazetarëve iu ka arritur informacioni në Whatsapp. Hetimet duhet të çojnë tek porositësi. Hakerat kanë marrë informacione për tre dosje, që përmenda. Personave që iu janë marrë dosjet janë subjekt i SPAK. Janë  3 dosje, njëra prej tyre lidhet me inceneratorin, të tjerët lidhen me tenderat. Hakerat kanë marrë ekstrakt nga këto dosje. SPAK ka rënë në gjurmët e 2 personave të ndaluar, një prej tyre kishte qenë punonjës IT, janë ish-zyrtarë të shtetit. Kush fshihet pas këtyre profileve, ka informacion se këtë aktivitet e kanë kryer në një prej zyrave në kulla në qendër të Tiranës.