Forcat e Armatosura të Izraelit, njoftuan se kanë kryer një seri sulmesh ajrore kundër objektivave ushtarake në Iran dhe Liban, në kuadër të operacioneve të tyre të fundit në rajon. Sipas njoftimit zyrtar, avionët luftarakë izraelitë goditën komplekse në aeroportin e Isfahan në Iran, ku sipas ushtrisë izraelite ruheshin avionë luftarakë F-14 që i përkisnin forcave iraniane. Operacioni, i cili u zhvillua të shtunën dhe u mbështet nga inteligjenca ushtarake, kishte në shënjestër hangarët dhe objektet ku ndodheshin avionët. Po ashtu, ushtria izraelite tha se u goditën edhe sistemet e zbulimit dhe të mbrojtjes ajrore që, sipas saj, përbënin kërcënim për avionët e saj.
Sulmi në hotel në qendër të Bejrutit
Në të njëjtën kohë, ushtria izraelite konfirmoi edhe një operacion në qendër të Beirut, ku u godit hoteli Ramada Beirut Downtown. Sulmi ndodhi disa orë pasi u raportua se të paktën katër persona u vranë dhe dhjetë të tjerë u plagosën nga një goditje ajrore në hotel. Sipas IDF-së, operacioni kishte për qëllim eliminimin e komandantëve të lartë të Islamic Revolutionary Guard Corps që vepronin në Liban, veçanërisht zyrtarë të Forcës elitare Quds Force.
‼️هر فردی که در سامانه پرتاب موشکها فعالیت میکند باید بداند: شما تحت تهدید هستید.
ما به هر عامل پرتاب موشک بالستیک که تهدیدی علیه شهروندان اسرائیل باشد خواهیم رسید -در میدان، در پایگاهها، در مراکز فرماندهی و حتی در خانه.
هر فردی که میخواهد زنده بماند باید فوراً سلاح خود را… pic.twitter.com/sjMDUD2eSS
— ارتش دفاعی اسرائیل | IDF Farsi (@IDFFarsi) March 7, 2026
Ushtria izraelite tha se bëhej fjalë për një “sulm preciz”, duke shtuar se ishin marrë masa për të minimizuar rrezikun e viktimave civile. “Regjimi iranian vepron sistematikisht midis popullatës civile, si në Iran ashtu edhe në Liban, duke shfrytëzuar banorët si mburoja njerëzore për të çuar përpara planet e tij,” thuhet në deklaratën e ushtrisë izraelite. Sipas agjencisë Reuters, ky konsiderohet sulmi i parë i këtij lloji në zemër të kryeqytetit libanez që nga momenti kur Izraeli rifilloi sulmet ajrore kundër Hezbollah, grupit të mbështetur nga Teherani, paralelisht me operacionet ushtarake kundër Iranit. Më herët, ushtria izraelite kishte njoftuar gjithashtu për një valë të re sulmesh ajrore në periferitë jugore të Bejrutit, një zonë që konsiderohet bastion i Hezbollahut.
