Armëpushim i menjëhershëm dhe zhbllokimi i Ngushticës së Hormuzit/ Mediat arabe: Marrëveshja Iran-SHBA do të shpallet në orët e ardhshme

 

IRAN- Media arabe “Al Arabiya” raporton, se drafti përfundimtar i një marrëveshjeje të mundshme mes Shteteve të Bashkuara dhe Iranit, e ndërmjetësuar nga Pakistani, mund të shpallet në orët e ardhshme. Sekretari i Shtetit i SHBA-së, Marco Rubio, u tha gazetarëve të enjten se kishte pasur disa shenja të mira në bisedime, por nuk mund të kishte zgjidhje nëse Teherani do vijonte me kërcënimet në ngushticë e Hormuzit, të cilën në fakt e mbylli pas fillimit të luftës më 28 shkurt.

“Ka disa shenja të mira. Nuk dua të jem tepër optimist... Pra, le të shohim se çfarë do të ndodhë gjatë ditëve të ardhshme,” tha Rubio. 

Nga ana tjetër, një burim i lartë iranian i tha Reuters të enjten se boshllëqet ishin ngushtuar, megjithëse pasurimi i uraniumit dhe ngushtica mbetën ndër pikat e ngërçit. Në pikat kryesore të draftit për paqe, përfshihen armëpushimi i menjëhershëm, garantimi i lirisë së lundrimit në Ngushticën e Hormuzit, si dhe heqja graduale e sanksioneve të SHBA-së ndaj Iranit.

Sipas mediave të Emirateve, marrëveshja pritet të hyjë në fuqi menjëherë pas njoftimit zyrtar nga të dyja palët. Megjithatë, Shtëpia e Bardhë ka mbajtur një qëndrim më të rezervuar, duke deklaruar se është bërë përparim, por "jemi ende larg marrëveshjes përfundimtare për Hormuzin".

Pikat kryesore të marrëveshjejs:

Armëpushim i menjëhershëm, gjithëpërfshirës dhe pa kushte në të gjitha frontet, duke përfshirë tokën, detin, ajrin.

Angazhim i ndërsjellë për të mos synuar infrastrukturën ushtarake, civile ose ekonomike

Fundi i operacioneve ushtarake dhe ndalimi i luftës mediatike

Angazhime për të respektuar sovranitetin, integritetin territorial dhe mosndërhyrjen në punët e brendshme

Garanton lirinë e lundrimit në Gjirin Arabik, Ngushticën e Hormuzit dhe Gjirin e Omanit

Mekanizëm i përbashkët për të monitoruar zbatimin dhe për të zgjidhur mosmarrëveshjet

Negociatat për çështjet e pazgjidhura do të fillojnë brenda shtatë ditësh

Heqje graduale e sanksioneve të SHBA-së në këmbim të angazhimit të Iranit ndaj kushteve të marrëveshjes

Projektmarrëveshja riafirmon pajtueshmërinë me të drejtën ndërkombëtare dhe Kartën e OKB-së

Marrëveshja do të hyjë në fuqi menjëherë sapo të njoftohet zyrtarisht nga të dyja palët.

lufta ne lindjen e mesme shba iran donald trump