Surprizë në Fest 64: Një nga konkurentet në pritje të ëmbël - KRYEFJALA

 

Gazetari Andri Xhahu, i cili përcolli nga afër emocionet dhe prapaskenat e Festivalit të 64-të të Këngës në RTSH, zbuloi natën e sotme një detaj që ka ngjallur menjëherë kureshtjen e publikut dhe mediave.

Gjatë transmetimit nga backstagetë Fest 64, Xhahu bëri të ditur se një nga artistet që u ngjit në skenë është në pritje të ëmbël. Zbulimi u bë në mënyrë diskrete, pa dhënë emra apo detaje të tjera, duke e lënë misterin të hapur dhe duke shtuar edhe më shumë interesin rreth netëve në vijim të festivalit.

Sipas gazetarit, vendimi për të mos e zbuluar identitetin e artistes lidhet me dëshirën që lajmi të bëhet publik nga vetë ajo, në momentin dhe mënyrën që do të zgjedhë. Ky detaj i bukur, i mbajtur ende sekret, i shton edhe më shumë emocion dhe surprizë një edicioni që tashmë është shoqëruar me performanca të forta, momente artistike të veçanta dhe prapaskena plot energji.

Festivali i 64-të i Këngës vijon të konfirmojë se nuk është vetëm një garë muzikore, por edhe një skenë ku ndodhin histori njerëzore, emocione të sinqerta dhe lajme që prekin publikun përtej notave dhe performancave. Tashmë, vëmendja është përqendruar te netët e ardhshme, ku pritet që artistja në fjalë të vendosë vetë të ndajë me publikun lajmin e bukur, duke e bërë Fest 64 edhe më të paharrueshëm.