Jay Z reagon pas akuzave për përdhunim dhe shpreh dhimbje për familjen e tij: Më duhet t’ia shpjegoj vajzës

Jay-Z ka mohuar me forcë akuzat për abuzim seksual të bëra kundër tij, të cilat e lidhin atë me mikun e tij Sean “Diddy” Combs. Ankesa, e cila përfshin një vajzë 13-vjeçare, pretendon se të dy reperët dyshohet se kanë sulmuar të miturën, ndërsa një femër e famshme e paidentifikuar ishte dëshmitare e ngjarjeve.

Në një deklaratë ekskluzive për Page Six, këngëtari e quajti padinë e ngritur edhe një herë nga avokati Tony Buzbee, një “përpjekje shantazhi”.

“Ajo që [Buzbee] llogariti ishte se natyra e këtyre akuzave dhe shqyrtimi publik do të më bënte të dëshiroja të bëja një marrëveshje,” tha Jay-Z.

Mirëpo, reperi është shprehur se akuzat kanë pasur efekt të kundërt.

“Jo zotëri, pati efekt të kundërt! Më bëri që ta ekspozoj si mashtruesin që është, në mënyrë shumë publike. Kështu që jo, nuk do t’i jap një cent!” shtoi ai.

Jay-Z theksoi se akuzat janë aq të rënda saqë viktima duhet të kishte bërë kallëzim penal, jo civil.

“Kushdo që kryen një krim të tillë ndaj një të mituri duhet të mbyllet, a nuk mendoni?” -deklaroi artisti.

Lidhur me ndikimin e akuzave në jetën e tij personale, Jay-Z shprehu dhimbjen për situatën që prek familjen e tij.

“Unë dhe gruaja ime do të duhet të flasim me fëmijët tanë, njëri prej të cilëve është në moshën që miqtë me siguri do të shohin shtypin dhe do të bëjnë pyetje për natyrën e këtyre pretendimeve”, tha ai, duke iu referuar vajzës së tij, Blue Ivy. “Është e padrejtë të përpiqemi të kuptojmë shkallët e pashpjegueshme të keqdashjes që synojnë të shkatërrojnë familjet dhe shpirtin njerëzor”, shtoi ai.

Jay Z përsëriti gjithashtu mbështetjen e tij për viktimat e vërteta të abuzimit dhe kritikoi avokatin Buzbee për përpjekjen për të shfrytëzuar situatën për përfitim.

“Vetëm rrjeti juaj i teoricienëve të konspiracionit dhe fizikës së rreme do t’u besojë pretendimet idiote që keni ngritur kundër meje,” tha Jay-Z, i cili theksoi se, nëse nuk do të ishte për ashpërsinë e akuzave, paditë kundër tij do të ishin “qesharake”.

Edhe ekipi ligjor i Combs i ka hedhur poshtë akuzat, duke i quajtur ato një “truk publicitar” të krijuar për të marrë para nga të famshëm.