Situata me përmbytjet/ Vengu: Po bëjmë një paketë për dëmet në bujqësi dhe blegtori 

 

TIRANË- Ministri i Mbrojtjes, Piro Vengu ka deklaruar se në lidhje me situatën e përmbytjeve që kaploi vendin disa muaj më para, po bëhet një paketë për dëmet që ka shkaktuar në bujqësi dhe blegtori. 

Gjatë një konference për mediat, Vengu u shpreh se forcat xheniere kanë qenë në gatishmëri në një sërë operacionesh kërkim-shpëtimi, të cilat vijojnë ende.

Ai theksoi se ushtria kërkon financime afatgjata dhe se rikuperimi i kësaj industrie, e lënë pa mbështetje në këto dekada, do të marrë kohë.

“Po krijojmë pozicione të atasheve ushtarakë në vendet fqinje. Shtojmë numrin e atasheve; në rajon në Kroaci, Mal të Zi dhe Maqedoni të Veriut. Por dhe në Izrael e Hungari si vende partnere për zhvillimin e industrisë ushtarake. Misioni kryesor i rrjetit është të integrojë industrinë tonë në zinxhirin e furnizimit aleat dhe të nisin projekte të reja. Ushtria kërkon financime afatgjata dhe rikuperimi i këtyre dekadave pa industri ushtarake do të marrë kohë, por ky është synimi ynë.

Elementi i tretë ka të bëjë me Bordin e Paqes; Rama shtroi në tryezë çështjen që ka të bëjë me interesat në rajon dhe revoltën tonë për Hagën. Së dyti, edhe shprehja e angazhimit tonë për të marrë pjesë në Gaza me forcat tona.

Përballimi i situatës së reshjeve që krijuan problematika në basenet ujore: nën koordinimin e EC, FA dhe bazat mbështetëse dhe repartet e xhenierisë kanë qenë të angazhuara në terren dhe vazhdojnë të jenë në operacionet e kërkim-shpëtimit. Forcat xheniere kanë qenë në tërë territorin për të hapur akse të bllokuara nga rrëshqitjet, për rehabilitim të strukturave.

Angazhimi i forcave civile dhe të armatosura lidhet me parandalimin e fataliteteve. Agjencia e Mbrojtjes Civile ka mbështetur bashkitë dhe Ministrinë e Bujqësisë dhe jemi gati të bëjmë gati një paketë për dëmet në bujqësi dhe blegtori nga përmbytjet.” tha Vengu.

piro vengu bujqësi blegtori