Reagimi i Ministrisë së Jashtme greke/ Rama: U mahnita, se dija që Zvërneci kishte popullësi homogjene greke

TIRANË- Kreu i qeverisë, Edi Rama tha se ishte i habitur nga reagimi i Ministrisë së së Jashtme greke, e cila tha se kishte popullësi homogjene greke në Zvërnec. Gjatë një deklarate publike, Rama tha se nuk ishte në dijeni për këtë informacion.

Rama tha se u habit nga deklaratat e i Ministrisë së së Jashtme greke, e cila tha se ishte një akt dhune, ndërsa kujtoi dhunën që u bëhet të burgosurve shqiptarë në Greqi. Kryeministri tha se respekton protestat e banorëve dhe qytetarëve, por theksoi se pretendimet për pronësinë zgjidhen në gjykata.

"Toka është e regjistruar në hipotekë prej shumë vitesh. Necogociatat me pronarët janë një çështje mes palëve për të cilën nuk kemi patur interest ë hyjmë. Jemi të fokusuar të Sazani për të cilin skanë përfudnuar negociatat se ne duam interesin e shtetit shqiptar. Rrethimi i pronës është bazuar te leja e zhvillimit, që nuk është një leje ndërtimi. Është e drejtë e cdo pronari kur merr leje zhvillimi. Për herë të parë dje dëgjova që aty paska një popullsi homogjene greke, këtë nuk e kisha dëgjuar. U mahnita nga deklarata e ministrisë së jashtme të Greqisë se ishte akt dhune, po jo akt dhune shtetërore siç ndodh me shqiptarët në burgjet e Greqisë. Ishte nga një grup rojesh private. Dhe të ngrihet shteti në këmbë dhe të nënvizojë etninë e protestuesit është dicka që nuk i shërben marrëdhënieve tona.

E futa këtu për të thënë dicka tjetër, pretendimet janë legjitime, por ato zgjidhen në gjykata. Siç ndodhi edhe atje lart në Rrjoll ku toka ishte e blerë nga pronarët që kishin letrat. Po nuk zhvillohet dot vendi nëse mbetet pezull mbi titujt e pronësisë, pas gjithë katrahurës që kemi trashëguar. E drejta për të protestuar nuk mund të vihet në diskutim në asnjë mënyrë në këtë vend e kemi mbrojtur nga dita e parë edhe me koston që të kemi në disa raste dëmtime serioze të forcave të policisë. Sulmet politike mbi projektin nga forca të brendshme, apo nga forca të jashtme nuk e duan këtë projekt, kjo është konkurencë kemi hyrë në territor të ndryshëm nga ai që kemi qenë. Ky projekt e ngre Shqipërinë në një nivel tjetër," tha Rama.