"Qeveria nuk kishe dhënë dorëheqjen"/ Memli Krasniqi: Raporti i Komisionit për verifikimin e mandatave ishte antikushtetues

KOSOVË- Kryetari i Partisë Demokratike të Kosovës, Memli Krasniqi në një deklaratë për media pasi nuk u votua raporti i Komisionit për verifikimin e mandatave të deputetëve tha se raporti ishte anti-kushtetues. Krasniqi para gazetarëve tha se Kushtetuta e thotë qartë që nuk mund të jesh kryeministër e ministër kur je edhe deputetë, e sipas tij, PDK nuk mund të votojë një raport që është anti-ligjor dhe anti-kushtetues. Krasniqi shtoi se kryeministri Kurti dhe gjithë ministrat që janë zgjedhur deputet po tentojnë të mbajnë pozitë ekzekutive e legjislative, gjë që e ndalon Kushtetuta e Kosovës.

“E thotë qartë se s’mund të bëhesh deputet nëse je kryeministër apo ministër. E këta janë sepse s’kanë dhënë dorëheqje, por kjo do të zgjidhej lehtë nëse do të jepnin dorëheqje. PDK s’mund të votojnë një raport që është në kundërshtim me Kushtetutën. Nëse do të ndodhë pra dorëheqje nga pozitat ekzekutive atëherë do të ndryshojë situate. Të shohim janë duke u konsultu ma merr mendja se Kuvendi ka mjaftueshëm ekspert ligjorë për të dhënë rekomandime si të shkohet më tej”, tha Krasniqi.