Rrëzimi i kërkesë së SPAK për heqjen e imunitetit të Belinda Ballukut ka marrë vëmendjen e mediave ndërkombëtare.
Agjencia e njohur AFP shkruan se “PS ka bllokuar arrestimin e aleates së Ramës që është përfshirë në një skandal korrupsioni”.
“Znj. Balluku dyshohet nga drejetësia shqiptare për favorizim në dhënien e tenderëve për dy kantjere të mëdha kombëtare: ai i ndërtimit të një tuneli dhe ai i unazës së madhe të kryeqytetit, Tiranës. Këto projekte vlejnë disa qindra milionë euro sipas padisë publike që ka ngritur SPAK”, shkruan AFP.
Parlamenti shqiptar votoi të enjten kundër heqjes së imunitetit të Bellinda Balluku, ish-zëvendëskryeministre dhe bashkepunëtore e ngushtë e kryeministrit Edi Rama. Ajo përballet me akuza për korrupsion në dy dosje tenderash. Heqja e imunitetit ishte një kërkesë nga Prokuroria e posaçme antikorrupsion (SPAK), e cila parashikonte ta vinte në gjendje arresti në paraburgim.
Votimi i sotëm në Parlamentin e Shqipërisë nuk e ka mundësine të pezullojë hetimin por ai bllokoi arrestimin e ish-zëvëndëskryeministres për momentin. Anëtarët e parlamentit votuan 82 kundër kërkesês së SPAK-ut dhe 47 pro.
Belinda Balluku, 53 vjeç, e filloi karrierën e saj në Partinë Socialiste, ku shërbeu veçanërisht si zëdhënëse kur kjo parti ishte në opozitë. Në vitin 2019, ajo u emërua Ministre e Infrastrukturës dhe Energjisë dhe gjithashtu u bë zëvendëskryeministre në vitin 2022, një pozicion që e mbajti deri në largimin e saj në fillim të vitit 2026 ne kuadrin e akuzave për korrupsion.
Znj. Balluku dyshohet nga drejetësia shqiptare për favorizim në dhënien e tenderëve për dy kantjere të mëdha kombëtare: ai i ndërtimit të një tuneli dhe ai i unazës së madhe të kryeqytetit, Tiranës. Këto projekte vlejnë disa qindra milionë euro sipas padisë publike që ka ngritur SPAK.
Në të dyja rastet, ish-anëtarja e qeverisë akuzohet se i ka “dhënë një avantazh të padrejtë” njërit prej kandidatëve pjesmarrës në tender.
Znj. Balluku, aleate e ngushtë e Edi Ramës, u shkarkua nga posti i saj si zëvëndëskryeministre më 20 nëntor nga një gjykatë speciale, e cila gjithashtu i ndaloi asaj të largohej nga Shqipëria. Ajo i ka hedhur poshtë akuzat dhe ka deklaruar se do të bashkëpunojë me drejtësinë, ndërsa kreu i qeverisë ka denoncuar vazhdimisht “një akt brutal ndërhyrjeje në pavarësinë e ekzekutivit”.
Opozita e shfrytëzoi këtë rast për të organizuar një seri demonstratash me protesta në Tiranë, disa prej të cilave u karakterizuan nga hedhja e koktejleve Molotov dhe flakadanësh.
Lufta kundër krimit të organizuar dhe korrupsionit është një nga kushtet kryesore për pranimin e Shqipërisë në Bashkimin Evropian.
Disa ish-ministra në qeveritë e Edi Ramës, në pushtet që nga viti 2013, janë bërê objekt i drejtësisë për raste korrupsioni.
