ITALI- Një rrjet kriminal me bazë në Lombardi të Italisë, me degëzime në Gjermani, Holandë, Spanjë, Mbretërinë e Bashkuar, Kolumbi dhe Brazil është çmontuar. Grupi u identifikua dhe u shkatërrua nëpërmjet pajisjeve të sofistikuara të mesazheve të koduara, teksa mbante kontakte të drejtpërdrejta me ndërmjetës dhe furnizues shqiptarë të kokainës nga Amerika Latine.
Shqiptarët e arrestuar janë: Marjus Aliu, Elvis Aliu, Fation Aliu, Ervin Bashmeta, Kujtim Daiu dhe Artur Hoxhosmani.
Tre nga shqiptarët, Elvis, Marjus dhe Fatjon Aliu, vijnë nga Kavaja, ndërsa Artur Hoxhosmani është nga Burreli. Investigimet zbuluan se ata lëviznin në Milano me makina luksi, përfshirë edhe Lamborghini, dhe qëndronin në hotele të njohura, si Armani Hotel, duke treguar stilin e jetesës luksoze që shoqëronte aktivitetet e tyre kriminale.
Të arrestuarit dyshohen për pjesëmarrje në një organizatë kriminale të lidhur me ‘Ndranghetan e Lokrisë dhe grupe të tjera shqiptare. Hetimet, të mbështetura në analizën e komunikimeve në platformën SkyEcc, zbuluan një trafik kokaine me vlerë mbi 27 milionë euro, që vinte nga Amerika e Jugut dhe ishte destinuar për tregun e drogës në Lombardi.
Grupi u identifikua dhe u shkatërrua nëpërmjet pajisjeve të sofistikuara të mesazheve të koduara, teksa mbante kontakte të drejtpërdrejta me ndërmjetës dhe furnizues shqiptarë të kokainës nga Amerika Latine.
Përveç shqiptarëve, hetimet zbuluan pjesëmarrjen e disa italianëve dhe një shtetasi kinez, i cili dyshohet të ketë ndihmuar në pastrimin e parave përmes rrjetit informal të transfertave financiare “fei ch’ien”. Komunikimi mes anëtarëve të rrjetit kryhej kryesisht përmes mesazheve të koduara në aplikacionin SkyECC, duke krijuar një “trekëndësh” të ndërlikuar bashkëpunimi mes kriminelëve nga Kalabria, Lombardia dhe Kampania.
Operacioni po vijon në provinca të ndryshme të Italisë, duke përfshirë Milano, Pavia, Bergamo, Parma, Imperia, Como, Romë, Taranto dhe Reggio Calabria, me mbështetjen e njësive të Guardia di Finanza, për të sekuestruar pasuritë e fituara nga aktiviteti kriminal dhe për të mbledhur prova shtesë për grupin.
Lista e të arrestuarve në burg:
Marjus Aliu (shqiptar)
Fatjon Aliu (shqiptar)
Elvis Aliu (shqiptar)
Ervin Bashmeta (shqiptar)
Kujtim Daiu (shqiptar)
Artur Hoxhosmani (shqiptar)
Franco Barbaro, Platì, 1976
Antonio Barbaro, Locri, 1984
Giuseppe Trimboli, Locri, 1977
Bruno Trimboli, Platì, 1976
Rocco Violi, Milano, 1989
Michele Portolesi, Platì, 1975
Antonino Chindamo, Polistena, 1988
Bartolomeo Pepè, Cinquefrondi, 1983
Luciano Scarinci, Locri, 1984
Giuseppe Barbaro, Locri, 1986
Giuseppe Catanzariti, Locri, 1984
Davide Cannone, Milano, 1977
Francesco Costa, Locri, 1979
Giuseppe Grillo, Locri, 1974
Giuseppe Scarfò, Polistena, 1990
Giancarlo Tasca, Milano, 1984
Antonio Rosario Trimboli, Locri, 1982
Stefano Virgilio, Milano, 1991
Yubo Xe
Arrest shtëpiak:
Francesco Biondo, Palermo, 1951
Giuseppe Foti, Catanzaro, 1977
Kokaina nga Amerika e Jugut, nëpërmjet anijeve kontejnerë, arriti në Lombardi me vlerë mbi 27 milionë euro, duke mbushur Italinë me drogë. Ky ishte dhe fokusi i një hetimi që e shtyu policinë financiare të Komandës Provinciale të Milanos dhe Shërbimin Qendror të Hetimit të Krimit të Organizuar të Guardia di Finanza, që të ekzekutonin një urdhër arresti kundër 28 të dyshuarve, 25 në burg dhe tre në arrest shtëpiak.
Ata i përkisnin një organizate të armatosur kriminale të përbërë nga individë të “Ndranghetës së Lokridës”, klanit Barbaro dhe të cilët, në kapacitete të ndryshme dhe me mbështetjen e “individëve të lidhur me qarqet kriminale shqiptare”, “nxorën, drejtuan, financuan, organizuan dhe kryen trafik ndërkombëtar droge”, në bashkëpunim edhe me “Kamorrën” napolitane.
Midis atyre që i nënshtrohen masës paraprake për krimin e pastrimit të parave është edhe një burrë kinez i cili, siç shpjegoi prokurori i Milanos, Marcello Viola, “në cilësinë e tij si ndërrues parash, i lejoi organizatës kriminale të bënte pagesa për dërgesat e drogës nëpërmjet sistemit informal të transferimit të parave të njohur si ‘Fei Ch’ien’, fjalë për fjalë ‘para fluturuese'”
Kërkimet janë duke u zhvilluar në provincat e Milanos, Pavia, Bergamo, Como, Parma, Imperia, Romë, Taranto dhe Reggio Calabria, “me ndihmën e qenve të parave dhe njësive antidrogë të Guardia di Finanza”.
