TIRANË- Pas urdhërarrestit të lëshuar nga SPAK, është ekstraduar nga Belgjika Sergej Hasanpapaj, i akuzuar për vrasjen e Bledar Muçës në janar të vitit 2022. Për të njëjtën ngjarje, autoritetet kanë vënë në pranga edhe 43-vjeçarin i cili u arrestua në aeroportin e Valencias në Spanjë.
Ky i fundit, sipas mediave spanjolle, akuzohet si bashkëpunëtor në krim për dhënie informacioni dhe raportohet se është dënuar me burgim të përjetshëm. Vrasja e Bledar Muçës, i cili njihej si mik i afërt i familjes Çapja, ndodhi në Aartselaar të Belgjikës më 22 janar 2022.
Hetimet e koordinuara mes autoriteteve shqiptare dhe atyre evropiane çuan në identifikimin e autorëve të dyshuar, duke hedhur dritë mbi ekzekutimin e një prej figurave kyçe të botës së krimit në Shqipëri që operonte edhe jashtë kufijve.
Bledar Muça u vra më 22 janar 2022 në Belgjikë. Ai nuk ishte një emër i panjohur për drejtësinë, pasi njihej si krahu i djathtë i Ardian e Florenc Çapjave në Elbasan. Mirëpo kjo nuk ishte hera e parë që i bënin atentat, Emri i Muçës, u lakua edhe në vitin 2016, ku gjatë një atentati në Elbasan, mbeti i plagosur rëndë e po ashtu, u lëndua edhe një efektive policie. Autoritetet thanë se objektiv i sulmit ishin Florenc Çapja e Bledar Muça.
Emri i të ndjerit, Bledar Muça akuzohet për vrasjen e vëllezërve Roland dhe Ilir Rexhepi, por këto krime nuk u provuan asnjëherë nuk iu provuan nga Policia dhe nga Prokuroria. Madje emri i tij u shpall edhe në kërkim ndërkombëtar për vrasjen dy vite më vonë, të vëllait të Roland Rexhepit, ish-efektivi i policisë që njihej me pseudonimin “Doda”.
39-vjeçari me origjinë nga Peshkopia, lindur e rritur në Elbasan që u ekzekutua në Anverse të Belgjikës rezulton të jetë një prej emrave që ka mbushur faqet e kronikës së zezë që nga viti 2009. I njohur si krahu i djathtë i Çapjave, Muça rezulton të jetë përfshirë në shumë ngjarje kriminale, një prej tyre edhe ndaj uniformave të Policisë së Shtetit. Për herë të fundit që Bledar Muça u vu në pranga ishte në maj të vitit 2020 pasi aksidentoi një efektiv policie. Në vitin 2016, ai u ka shpëtuar dy atentateve, konkretisht në muajt shkurt e qershor.
Emri i tij është i përfshirë në vrasjen e vëllezërve Roland dhe Ilir Rexhepi, vrasje të ndodhura në kohë të ndryshme në qytetin e Elbasanit, por që asnjëherë nuk iu provuan nga policia dhe nga prokuroria. Madje më 30 Dhjetor të vitit 2011, ai u shpall edhe në kërkim ndërkombëtar për vrasjen e vëllait të Roland Rexhepit, ish-efektivi i policies Ilir Rexhepi që njihej me pseudonimin “Doda”. Muça, me anë të një letre, e njoftoi policinë se nuk kishte gisht me vrasjen, pasi atë ditë ai kishte qenë në Angli. Në vitin 2013, ai u rikthye për tu përballur me drejtësinë dhe policia e prokuroria e pushuan çështjen kundër tij.
