Tyson zbuloi gjithçka pas sfidës 40 mln. dollarëshe: "Isha afër vdekjes në qershor"

 

SHBA - Duhet theksuar se Tyson ka mbushur moshën 58 vjeç, nuk ka boksuar profesionalisht që nga viti 2005, kur doli në pension dhe kundërshtari i tij me rekordin prej 11 fitoresh dhe një humbjeje, është në gjendjen më të mirë fizike në moshën 27-vjeçare.

Edhe pse humbi ndeshjen në Arlington (SHBA), Mike Tyson tha se nuk është penduar që mori pjesë në këtë luftë, sepse kishte qenë afër humbjes së jetës këtë vit. Pra, aftësia për të konkurruar përsëri, erdhi si një bonus pas gjithë asaj që kishte ndodhur.

“Kjo është një nga ato situata ku ke humbur, por ke ende diçka për të fituar. Unë jam mirënjohës për atë që ndodhi. Nuk jam penduar që jam futur në ring për herë të fundit.

Isha pranë vdekjes në qershor. Më duheshin 8 transfuzione gjaku. Humba gjysmën e gjakut, 11 kg në spital dhe duhej të luftoja, të shërohesha, të mund të luftoja përsëri, kështu që kjo është një fitore për mua.

Fëmijët e mi më pane, duke luftuar dhe të përfundoja 8 raunde në këmbë, kundër një kundërshtari të talentuar shumë më të ri se unë përpara një arene të mbushur plot në Dallas Cowboy Stadium. Ishte një eksperiencë e paharrueshme, faleminderit!”, tha Mike Tyson, në një mesazh të postuar në rrjetet sociale.

Bursa e secilit prej boksierëve ishte 40 milionë dollarë! Deri tani më i madhi edhe për Tyson, i cili fitoi 30 milionë dollarë në luftën e tij legjendare me Evander Holyfield, tha Marca.

Në vitin 2011, Mike Tyson u fut në Sallën e Famës së Boksit në njohje të ndikimit të tij në boks, pas nokautit të tij në 44 ndeshje nga 56 fitore gjatë kulmit të tij në fund të viteve 1980 dhe në fillim të viteve 1990.