ITALI - Skiatorja premtuese italiane nga Piemonte, e cila muajin tjetër do të mbushte 20 vjeç, Matilde Lorenzi vdiq pas një rënieje tragjike gjatë stërvitjes.
Vdekja e sportistes së Ushtrisë u bë e ditur në X nga Ministria e Mbrojtjes mëngjesin e sotëm. “Mbrojtja dhe ministri Guido Crosetto shprehin ngushëllimet e tyre më të thella dhe përqafojnë familjen dhe kolegët e nëntetares Matilde Lorenzi, atletja e ushtrisë dhe skiatorja premtuese italiane, e cila ndërroi jetë tragjikisht, pas një aksidenti shumë të rëndë të ndodhur gjatë një seance stërvitore”.
Ministria e Mbrojtjes e ka shkruar në një postim në Twitter me një shirit zie të zezë në X, duke e zyrtarizuar lajmin e hidhur.
Skiatorja u rrëzua gjatë stërvitjes në shpatin Gravald G1 në Val Senales, Alto Adige. Gjendja e tij pas aksidentit u cilësua si shumë e rëndë. Ajo ishte transportuar urgjentisht me helikopter në spitalin 'San Maurizio' në Bolzano.
