Balluku prezanton drejtorin e ri të Portit të Durrësit, Liburn Aliun: Me një karrierë të gjatë politike, Kosovën dhe Shqipërinë i ka parë gjithmonë si një treg të përbashkët

TIRANA- Zv.Kryeministrja Belinda Balluku ka prezantuar sot Drejtorin e ri të emëruar për Portin e Durrësit, ish-ministrin e Qeverisë së Albin Kurtit, Liburn Aliu. Gjatë fjalës së saj, Balluku theksoi se Aliu ka një karrierë të gjatë politike, duke shërbyer disa vite si deputet dhe më pas si ministër në kabinetin “Albin 2”. Ajo shtoi gjithashtu se Kosovën dhe Shqipërinë i ka parë gjithmonë si një treg të përbashkët për zhvillimin ekonomik.

Sipas Ballukut, Aliu ishte një propozim i përshtatshëm, dhe pasi kërkesa u dërgua tek kryeministri, ai e pranoi emërimin.

“Kemi nisur prej kohësh një plan zhvillimi të një porti të ri në afërsi të Durrësit, duke qenë se është pikë referimi për të gjithë rajonin. Me një punë shumë të detajuar dhe me mbështetjen e një prej kompanive më të mëdha, MIE ka arritur të ketë një dokument të jashtëzakonshëm që parashikon duke dizenjuar të gjithë hapat e ndërtimit të këtij porti të ri në Porto Romano.

Nga RMV dhe Kosova kërkuar të jenë pjesë e këtij projekti, duke qenë e mundur krijimi i një lidhje me dy porte të thata, një në Shkup, dhe një në zonën e Prishtinës. E thënë kjo, procedura ndërkombëtare ka qenë transparente, ka patur disa faza dhe sot kemi arritur në fazën e fundit të projektit për ndërtimin e këtij porti. Interesi ka qenë shumë i lartë, në 31 janar do kemi fituesin e garës për ndërtimin e portit të Durrësit, I dalë nga një garë ndërkombëtare.

Një koleg i mirë që Kosovën dhe Shqipërinë iu ka parë si treg të përbashkët zhvillimi ekonomik. Në fillim të shtatorit bëra një bisedë me të dhje e pyeta nëse do kishte interes të kontribuonte për Shqipërinë dhe padyshim rrjedhimisht dhe për Kosovën, pasi më kishte thënë se do dilte nga politika.

Iu duk një propozim i përshtatshëm, pasi kishte vendosur të jetonte dhe në Tiranë. Kështu propozimin e çova te kryeministri Edi Rama, dhe kryeministri e pranoi”, tha Belinda Balluku./